మా ట్రేడ్ ప్రొటెక్టర్ పాలసీ, విస్తృత స్థాయి నష్టాలు మరియు అపాయాల నుంచి మీ వ్యాపారానికి రక్షణనిచ్చే ఒక ప్రత్యేకమైన వాణిజ్య బీమా. ఈ ప్యాకేజీ పాలసీని ఎంచుకోవడం వలన మీరు వ్యాపారం చేసేటప్పుడు ఎదురయ్యే దాదాపు అన్ని ప్రమాదాలకు రక్షణ పొందుతారు.

మీ వ్యాపారస్థాపన, ఆస్తులు, ఆసక్తులు, బాధ్యత, వనరులను కాపాడటంతో పాటు మీకు, బోర్డు డైరెక్టర్లకు, భాగస్వాములకు, ఉద్యోగులకు సమగ్ర రక్షణ కల్పించడానికి ఈ పాలసీలో 12 సెక్షన్‌లు కలవు. ఆ సెక్షన్‌లు:

• అగ్ని మరియు సంబంధిత ప్రమాదాలు (సెక్షన్ 1): ఈ విభాగంలో అగ్ని, పేలుడు, నీటిట్యాంకులు పగలడం నీరు పొంగడం, అల్లర్లు, దాడులు, హానికరమైన నష్టం, భూకంపం, వరద, నేల జరుగుట మొదలైన ప్రమాదాల నుంచి మీ భవనాలు, నిలువలు, ఉపకరణాలు, ఫిక్స్చర్లు, ఫిట్టింగులు, ఇంటీరియర్ అలంకరణ ఇంకా ఇంతర విషయాలు పరిధిలోకి వస్తాయి.

• దోపిడీ మరియు ఇతర ప్రమాదాల (సెక్షన్ 2): ఈ విభాగం, 1వ విభాగపు అన్ని లక్షణాలను ఇంటిని కొల్లగొట్టడం, దోపిడీ, దొంగతనంతో పాటుగా చెట్లు, ఎలక్ట్రిక్ స్తంభాలు, దీపస్తంభాలు పడిపోవడం వలన కలిగిన నష్టం, టివి, శాటిలైట్ ఏరియల్స్ ధ్వంసం కావడం వలన మరియు అగ్ని నివారణ సమయంలో పౌర అధికారులచే జరిగిన నష్టాలను కవర్ చేస్తుంది.
• డబ్బు మరియు ప్రామాణిక గ్యారంటీ (సెక్షన్ 3ఎ/బి): ఈ విభాగము ప్రాంగణ ముట్టడి, ఇల్లు కొల్లగొట్టుట, దోపిడీ, దొంగతనం వలన లేదా రవాణా సమయంలో జరిగే ప్రమాదం, దురదృష్టకర పరిస్థితి వలన కలిగిన ధననష్టాన్ని కవర్ చేస్తుంది. అదనపు ఖర్చు లేకుండా, సేఫ్, స్ట్రాంగ్ రూము, స్టీలు అల్మారాలు, ఇంకా డబ్బు పెట్టుకునే కేసులు, బ్యాగులు మొదలైనవాటి నష్టాన్ని కూడా మేము కవర్ చేస్తాము.
  ఈ విభాగము మీ ఉద్యోగుల మోసపు చర్యలు, ఏదైనా వంచన వలన జరిగిన ధన నష్టాన్ని కూడా కవర్ చేస్తుంది.
• ఫిక్స్‌డ్ అద్దాలు మరియు శానిటరీ ఫిట్టింగులు (సెక్షన్ 4): ఈ విభాగము ప్రాంగణములోపల ప్రమాదవశాత్తు ఫిక్స్‌డ్ అద్దాలు మరియు శానిటరీ ఫిట్టింగులు పగిలినపుడు ఫ్రేములు, అక్షరాలు / ప్రింటింగ్ / అక్షరాల అచ్చులు మొదలైనవాటి ధరతో సహా పై ప్రమాదాల వలన కలిగిన మీ వ్యాపారానికి ఉపయోగించే వస్తువుల నష్టాన్ని కూడా కవర్ చేస్తుంది.
• ఎలక్ట్రానిక్ సామగ్రి (సెక్షన్ 5): ఈ విభాగము ప్రాంగనములో ఇన్‌స్టాల్ చేసిన కంప్యూటర్లు, ఫ్యాక్స్ మెషీన్లు, ఎలక్ట్రానిక్ ఉపకరణాలు, ఇంకా డేటాను కలిగిన ఏవైనా వస్తువుల నష్టాన్ని కవర్ చేస్తుంది.
  ఈ విభాగము డేటాను కలిగిన ఏవైనా వస్తువుల నుండి కోల్పోయిన డేటాను మరియు సాఫ్ట్‌వేర్‌ను తిరిగి పొందడానికి అయ్యే ఖర్చును కూడా మీరు పేర్కొన్న పరిమితుల వరకు కవర్ చేస్తుంది. 
  టెలివిజన్ / వీడియో పరికరాలు మరియు పోర్టబుల్ కంప్యూటర్ / మొబైల్ ఫోన్ (సెక్షన్ 6ఎ/బి). ఈ విభాగం మీ ప్రాంగణంలో ఇన్‌స్టాల్ చేయబడిన మీ టెలివిజన్/వీడియో పరికరాలకు మరియు మీ పోర్టబుల్ కంప్యూటరుకు, మొబైల్ ఫోన్ మరియు ఎలక్ట్రానిక్ డైరీకి ప్రపంచంలో ఎక్కడ నష్టం జరిగినా కవర్ చేస్తుంది.
• అన్ని ప్రమాదములూ (సెక్షన్ 6సి): నియాన్ మరియు ప్రకాశించే సంకేతాలు, మీ ప్రాంగణములోని హోర్డింగులు మరియు భారత దేశములోని ఏ చోటనైనా ఉన్న ఇతర వాణిజ్య సంబంధ పరికరాలు వంటి వాటిని అగ్ని, అల్లర్లు, దోపిడీ, ఇంకా నిర్దిష్టముగా మినహాయింపబడని వేరేదైనా ఇతర ప్రమాద సంబంధ నష్టం నుండి ఈ సెక్షన్ కవర్ చేస్తుంది.
• ఎలక్ట్రికల్/మెకానికల్ ఉపకరణముల బ్రేక్ డౌన్ (సెక్షన్ 7ఎ): మీ ప్రాంగణములో 7 సంవత్సరముల కాలము వరకు ఉన్నటువంటి ఎలక్ట్రికల్/మెకానికల్ ఉపకరణములకు ఆకస్మికంగా లేదా ఎదురు చూడనటువంటి విధముగా జరిగిన ఎలక్ట్రికల్/మెకానికల్ బ్రేక్ డౌన్ లను ఈ సెక్షన్ కవర్ చేస్తుంది.
• ఫ్రీజర్‌లో ఉంచబడిన వస్తువుల క్షీణత (సెక్షన్ 7బి): ప్రమాదవశాత్తు రిఫ్రిజిరెంట్ గ్యాసెస్ బయటపడుట, లేదా, ఆకస్మికంగా రిఫ్రిజిరేషన్ యూనిట్ ఎలక్ట్రికల్/మెకానికల్ బ్రేక్ డౌన్ అగుట వలన ఉష్ణోగ్రతలో జరిగే మార్పుల కారణంగా ఫ్రీజర్‌లో ఉంచబడిన వస్తువులు క్షీణించుట, లేదా చీకిపోవుట వలన కలిగే నష్టాన్ని ఈ సెక్షన్ కవర్ చేస్తుంది.
• వ్యక్తిగత ప్రమాదము (సెస్క్షన్ 8): ఈ సెక్షన్ మిమ్ములనూ, మీ వ్యాపారముతో సంబంధముగా పేర్కొనబడిన వ్యక్తులనూ, ప్రమాదపు శరీర గాయముల వలన కలిగే వైకల్యము(శాశ్వత లేదా తాత్కాలిక), లేదా మరణము నుండి కవర్ చేస్తుంది. దీనితో పాటు, దుస్తులకు జరిగిన నష్టము, మృతదేహమును తరలించుటకు అయ్యే ఖర్చు, ఆంబులెన్సు ఛార్జీలు, ఉపాధి కోల్పోయినందుకు సర్దుబాటు, పిల్లలకు విద్యా సంబంధ నిధి, బీమాదారుడు గాయాలకు అడ్జస్ట్ అగుటకు అయ్యే ఖర్చు, మరియూ, అటువంటి గాయాల తరువాత ఇంటిని, లేదా వాహనమును తగు మార్పులు చేయుటకు అయ్యే ఖర్చూ వంటి అదనపు ప్రయోజనములను కూడా ఈ సెక్షన్ అందిస్తుంది.
• వ్యాపార అంతరాయము (సెక్షన్ 9): మీ వ్యాపారమునందు అంతరాయమునకు కారణమైన, మరియూ, సెక్షన్ 1 నందు చెప్పబడిన పెనుప్రమాదముల వలన మీ స్థూల వ్యాపార లాభానికి కలిగిన నష్టముతో పాటు, బీమా చేయబడిన ఆస్తికి కలిగిన నష్టము వలన పెరిగిన పని ఖర్చును కూడా ఈ సెక్షన్ కవర్ చేస్తుంది.
• బ్యాగేజ్ (సెక్షన్ 10): మీ వ్యాపార సంబంధంగా ఈ ప్రపంచంలో ఎక్కడైనా ప్రయాణంలో తీసుకెళ్లబడుతున్న, మీ లేదా మీ ఉద్యోగులకు చెందిన బ్యాగేజీ ఆక్సిడెంట్ వల్ల గానీ, దురదృష్టవశాత్తు గానీ పోయినా, లేక పాడు అయ్యినా, ఈ సెక్షన్ ఆ నష్టాన్ని కవర్ చేస్తుంది.
• బాధ్యత (సెక్షన్ 11 ఎ/బి): ఈ విభాగం ప్రమాదవశాత్తు సంభవించిన సామాన్య ప్రజల మృతి, శారీరక వైకల్యం లేదా ఆస్తినష్టం వలన కలిగిన బాధ్యతతో పాటు దుకాణములో జరిగే దొంగతనం, అనైతికత, తప్పుడు నిర్బంధం వలన కలిగిన బాధ్యత, వర్క్‌మెన్ కాంపెన్సేషన్ యాక్ట్ కింద పనిచేస్తున్న ఉద్యోగికి ఏదైనా గాయం తగిలినపుడు లేదా ఉద్యోగి మరణము సంభవించినపుడు కలిగిన బాధ్యతలను కవర్ చేస్తుంది.
• రవాణాలోని వస్తువులు(సెక్షన్ 12): ఈ సెక్షన్ మీ వ్యాపారము, లేదా వాణిజ్యములో భాగముగా, రవాణా సమయములో అగ్ని, మెరుపు, వంతెనలు కూలడం, వాహనములు ఢీ కొనుట, పట్టాలు తొలగిపోవుట, సమ్మె, దోపిడీ, లేదా/మరియు మొత్తము ప్యాకేజీ డెలివరీ కాకపోవడం, దారి దోపిడీ, హింసాత్మక చర్యల వంటి వాటి వలన వస్తువులు కలిగిన నష్టానికి వర్తిస్తుంది.

• 12 సెక్షన్లలో కనీసం 5 సెక్షన్లు కవర్ చేయాలి.
• 6 లేదా మరిన్ని సెక్షన్లు మీకు వర్తించినచో, ప్రీమియం తగ్గింపునకు సదుపాయము కలదు.
• సెక్షన్లు 1, 2, 4, 5, 6, 7 విషయంలో, పునరుద్ధరణ(పాతదానికి బదులు కొత్తది) విలువ ఆధారంగా బీమా ఉంటుంది, అందుకు సంబంధించిన బీమా మొత్తము సరుకు మరియు విధులతో కూడిన కొత్త ఆస్తి యొక్క విలువను అనుసరించి ఉండాలి. ఇది 1 మరియు 2 సెక్షన్ల యందు "ఇతర విషయాలు" కు మాత్రమే వర్తించదు.
• నిర్దిష్ట అంశాలపై కొన్ని ఉప పరిమితుల మినహా, పాలసీలోని ఏ సెక్షన్‌లోనైనా బీమా మొత్తానికి గరిష్ట పరిమితులు ఎవీ లేవు.
• నష్టం జరిగిన సమయంలో, ఆస్తి యొక్క విలువ, మీరు ఎంచుకున్న బీమా మొత్తం కన్నా ఎక్కువ ఉంటే, అప్పుడు క్లెయిమ్ అదే నిష్పత్తి లో చెల్లించబడుతుంది. ఇది 1, 2, 4, 5, 6 మరియు 7వ విభాగాలకు వర్తిస్తుంది.

ఈ పాలసీ లోని కొన్ని ముఖ్యమైన మినహాయింపులు ఈ క్రింది విధముగా ఉన్నాయి:

• యుద్ధం కారణంగా జరిగిన నష్టం, విదేశీ దాడులు, విదేశీ శత్రు చర్యలు, శత్రుత్వము(యుద్ధం ప్రకటించాలా వద్దా అనే సందిగ్దత), పౌర యుద్ధం, తిరుగుబాటు, విప్లవం మొదలైనవాటి పర్యవసానంగా నష్టం.
• ఏ ప్రభుత్వ లేదా న్యాయబద్ధంగా ఏర్పాటు అయిన అధికారము యొక్క ఆదేశము వలన జరుపబడిన, జప్తు, స్వాధీన పరచుకొనుట, వ్రాతపూర్వకమైన ఆదేశము లేదా విధ్వంసాల వలన కలిగిన నష్టం.
• అయోనైజింగ్ రేడియేషన్, లేదా రేడియోధార్మికత వల్ల కలిగే కాలుష్యం, వలన ప్రత్యక్షంగా, లేదా పరోక్షంగా కలిగిన నష్టం.
• క్రమంగా క్షీణించడం, లేదా ఎక్కువగా వాడటం వలన కలిగే తరుగుదల మరియు నష్టం.
• ఏ విధమైన కాలుష్యము వల్లనైనా ఆస్తి మరియువస్తువులకు కలిగే నష్టము. వీటితోపాటు, ఈ పాలసీలోని ఒక్కొక్క విభాగమునకు ప్రత్యేకమైన మినహాయింపులు ఉన్నాయి.