വിവിധ നഷ്ടസാദ്ധ്യതകൾക്കും അപകടങ്ങൾക്കും എതിരേ, നിങ്ങളുടെ ബിസിനസ്സിന് സുരക്ഷ നൽകുന്നതിനാൽ, ഞങ്ങളൂടെ ട്രേഡ് സുവിധയെ ഏറ്റവും ഉത്തമമായ ട്രേഡ് ഇൻഷ്വറൻസ് പോളിസികളിലൊന്നായി കണക്കാക്കാം. ഓൺലൈൻ ട്രേഡ് ഇൻഷ്വറൻസ് ആയും ലഭ്യമായുള്ള ഈ ട്രേഡ് പോളിസി ഒരു ലളിതമായ പോളിസിയാണ്. നിങ്ങളുടെ നഷ്ടസാദ്ധ്യതകൾക്കനുസൃതമായി ഏറ്റവും അനുയോജ്യമായ ഇനം തിരഞ്ഞെടുക്കാൻ പാകത്തിൽ വിവിധ ഇനം ഇൻഷ്വറൻസ് തുകകൾ ഈ പോളിസിയിലുണ്ട്. ഓൺലൈനിൽ ഓഫീസ് ട്രേഡ് ഇൻഷ്വറൻസ് വാങ്ങുന്പോൾ, നിങ്ങളുടെ പണത്തിന് പരിപൂർണ്ണമായ മൂല്യം കിട്ടുന്നുണ്ടെന്ന് നിങ്ങൾക്കുറപ്പിക്കാം.

ഞങ്ങളുടെ പോളിസി താഴെ കാണിച്ചിരിക്കുന്നവയെ പരിരക്ഷ ചെയ്യുന്നു:

• അഗ്നിബാധയും ബന്ധപ്പെട്ട വിപത്തുകളും (പരിസരത്തോട് ചേർന്ന വസ്തുവകകൾ): നിങ്ങളുടെ പരിസരവും അതിലെ വസ്തുവകകളും, തീപിടുത്തം, പൊട്ടിത്തെറി, വാട്ടർ ടാങ്ക് നിറഞ്ഞൊഴുകൽ, കലാപം, പണിമുടക്കും മനപ്പൂർവ്വം നശിപ്പിക്കലും, ഭുകമ്പം, വെള്ളപ്പൊക്കം, കൊടുംകാറ്റ്, മണ്ണിടിയല്‍, മുതലായവയ്കെതിരായി കവര്‍ ചെയ്യപ്പെടുന്നു. 
• കവര്‍ച്ചയും ബന്ധപ്പെട്ട വിപത്തുകളും ( (പരിസരത്തോട് ചേർന്ന വസ്തുവകകൾ): നിങ്ങളുടെ പരിസരത്തോട് ചേർന്ന വസ്തുവകകൾ,  ഭവനഭേദനം,  കവര്‍ച്ച, കൊള്ളയും പിടിച്ചുപറിയും, അതോടൊപ്പം തന്നെ മരങ്ങള്‍/ഇലക്ട്രിക് തുണുകള്‍, വിളക്ക് തൂണുകള്‍ എന്നിവ വീണുളള നാശനഷ്ടങ്ങള്‍, ടെലിവിഷന്‍ അല്ലെങ്കില്‍ റേഡിയോയുടെ എരിയലുകള്‍/ സാറ്റലൈറ്റ് ഡിഷ്‌ എന്നിവയുടെ പൊട്ടി വീഴ്ച,അഗ്നിശമനത്തിനായി സിവില്‍ അതോറിറ്റി നടത്തിയ കേടുപാടുകള്‍ എന്നിവയ്ക്കെതിരായി കവര്‍ ചെയ്യപ്പെടുന്നു.  
• പണം: പരിസരത്ത് സുക്ഷിച്ചിട്ടുള്ളതും, മറ്റു സ്ഥലങ്ങളിലേയ്ക്ക് കൊണ്ടുപോകുന്നതുമായ പണം, അത്യാഹിതം അല്ലെങ്കില്‍ ദൌര്‍ഭാഗ്യം, പിടിച്ചുപറി,  ഭവനഭേദനം, കൊള്ള, കുത്തിക്കവര്‍ച്ച എന്നിവയില്‍ നിന്ന്‍ നഷ്ടപ്പെടുന്നതിനെതിരെ, പോളിസിയുടെ ഈ ഭാഗം കവര്‍ ചെയ്യുന്നു.
• വ്യക്തിഗതമായ അപകടം: പോളിസിയുടെ ഈ ഭാഗം, നിങ്ങളെയും നിങ്ങളുടെ ബിസ്സിനസ്സിലെ പേരുപറഞ്ഞിട്ടുള്ള മറ്റുള്ളവരെയും, അപകടവശാല്‍ ഉണ്ടായ മാരകമായ  പരിക്കുകള്‍, അല്ലെങ്കില്‍ അംഗവൈകല്യം (ഒന്നുകില്‍ സ്ഥിരവും മൊത്തവും, അഥവാ, സ്ഥിരവും ഭാഗികവും) എന്നിവയ്ക്കെതിരെ പരിരക്ഷിക്കുന്നു.
• ഫിഡിലിറ്റി ഗ്യാരണ്ടി: നിങ്ങളുടെ ജോലിക്കാര്‍ ചെയ്യുന്ന വഞ്ചന, നെറികേട് എന്നിവ കാരണമായി, നിങ്ങള്‍ക്കുണ്ടാകുന്ന സാമ്പത്തികനഷ്ടത്തിനെതിരെ പോളിസിയുടെ ഈ ഭാഗം കവര്‍ ചെയ്യുന്നു. 
• ഇലക്ട്രോണിക്ക് ഉപകരണങ്ങള്‍: നിങ്ങളുടെ ബിസിനസ്സ് പരിസരത്ത് സ്ഥാപിച്ചിട്ടുള്ള കംപ്യുട്ടറുകള്‍, ഫാക്സ് യന്ത്രങ്ങൾ മുതലായവയ്കുണ്ടാകുന്ന നാശനഷ്ടങ്ങളെ പോളിസിയുടെ ഈ ഭാഗം പരിരക്ഷ ചെയ്യുന്നു.

ഈ പോളിസിയുടെ കീഴിലുള്ള ചില മുഖ്യ ഒഴിവാക്കലുകൾ താഴെ കൊടുത്തിരിക്കുന്നു:

• യുദ്ധം, ആക്രമണം, വിദേശ ശത്രുവിൻറെ പ്രവർത്തനങ്ങൾ, സമരനടപടികൾ (യുദ്ധപ്രഖ്യാപനം ഉണ്ടെങ്കിലും ഇല്ലെങ്കിലും), ആഭ്യന്തരയുദ്ധം, കലഹം, വിപ്ളവം മുതലായവയിൽ നിന്നുള്ള നാശനഷ്ടങ്ങൾ.
• ഗവണ്മെൻറൊ, നിയമപ്രകാരം സംഘടിപ്പിച്ചിട്ടുള്ള ഒരധികാരസ്ഥാപനമൊ പുറപ്പെടുവിച്ചിട്ടുള്ള ഓർഡർ പ്രകാരം ചെയ്യുന്ന കണ്ടുകെട്ടൽ, സൈനികാവശ്യങ്ങൾക്കായി ഏറ്റെടുക്കൽ, ആവശ്യപ്പെടൽ, നശിപ്പിക്കൽ മുതലായവയിൽ നിന്നുള്ള നാശനഷ്ടങ്ങൾ.
• റേഡിയോ ആക്ടിവിറ്റിയിൽ നിന്നുള്ള മലിനീകരണം, അഥവാ റേഡിയേഷനിൽ കൊണ്ടുണ്ടായ അയണൈസേഷൻ എന്നിവയാൽ നേരിട്ടോ, പരോക്ഷമായോ സംഭവിച്ച നാശനഷ്ടങ്ങൾ.
• ഡിപ്രീസിയേഷൻ (വിലയിടിയൽ), തേയ്മാനം അല്ലെങ്കിൽ  ക്രമേണയുള്ള ക്ഷയം എന്നിവകൊണ്ടുള്ള നഷ്ടം.
• ഏതെങ്കിലും തരത്തിലുള്ള മലിനീകരണം കൊണ്ട്, ഭൂസ്വത്തിനും വസ്തുവകകൾക്കും ഉണ്ടാകുന്ന നാശനഷ്ടങ്ങൾ.
• ഇതു കൂടാതെ, വേറേ ഒഴിവാക്കലുകളും ഉണ്ട്. അവ പോളിസിയുടെ ചില പ്രത്യേക വിഭാഗങ്ങൾക്ക്  മാത്രമായുള്ളവയാണ്.