വ്യക്തിഗത മെഡിഷീൽഡ്‌ പോളിസി

ഈ പോളിസിയിൽ അടങ്ങിയിട്ടുള്ള പ്രയോജനങ്ങൾ.

ആശുപത്രിപ്രവേശനത്തിന് മുൻപും പിൻപുമുണ്ടായിട്ടുളളതുൾപ്പടെയുളള നഴ്സിംഗ് ചിലവുകൾ (ഡോക്ടറുടെ നിർദ്ദേശപ്രകാരം യോഗ്യത നേടിയ നേടിയ ഒരു നഴ്സിനെ ഏർപ്പെടുത്തിയാൽ മാത്രം).
ആശുപത്രിപ്രവേശന കാലയളവിൽ ലഭ്യമാകുന്ന ദിനബത്ത, ഇൻഷ്വർ ചെയ്തിരിക്കുന്ന അടിസ്ഥാനതുകയുടെ 0.1% നിരക്കിലാണ്. ഈ തുക പ്രതിദിനം പരമാവധി 250 രൂപ വരെയാണ്.
ഇൻഷ്വർ ചെയ്ത വ്യക്തിക്ക്‌ അവയവദാനം ചെയ്യുന്നവരുടെ ആശുപത്രിച്ചിലവുകള്‍, ഇന്‍ഷ്വര്‍ തുകയുടെ മൊത്തത്തിലും വിവിധ ആവശ്യങ്ങള്‍ക്കായും ക്ലിപ്ത പ്പെടുത്തിയിട്ടുള്ള പരിധിയ്ക്കുള്ളില്‍ ലഭ്യമാണ്.
ഓരോ ക്ലെയിം-രഹിത നാലുവര്‍ഷബ്ലോക്കിന്‍റെ അവസാനവും, ഇൻഷ്വർ ചെയ്തിരിക്കുന്ന അടിസ്ഥാനതുകയുടെ 1.0% നിരക്കില്‍, ആരോഗ്യ പരിശോധനയുടെ ചിലവ് ലഭ്യമാണ്.

പോളിസിയില്‍ ബാധകമല്ലാത്ത കാര്യങ്ങള്‍:

ഇൻഷ്വർ ചെയ്തിരിക്കുന്ന വ്യക്തിയുടെ ആദ്യത്തെ മെഡിക്കല്‍ പോളിസിയുടെ തുടക്കം മുതല്‍ തുടര്‍ച്ചയായി പോളിസി പ്രാബല്യത്തിലുള്ള മുന്നുകൊല്ലം വരെ, മുന്‍പുതൊട്ടേയുള്ള ഏതുരോഗത്തിനുമുള്ള ചികിത്സാച്ചിലവ്;
പുതിയ രോഗങ്ങളുടെ ആദ്യത്തെ 30-ദിവസ കാത്തിരിപ്പുസമയം (അപകടങ്ങള്‍ ഒഴിച്ച്);
പോളിസിയില്‍ പേരുകൊടുത്തിട്ടുള്ള കുറച്ചു ചില രോഗങ്ങള്‍ക്കുമാത്രം ഒരു കൊല്ലത്തെ ഒഴിവാക്കല്‍ സമയപരിധി;
കണ്ണട, കോണ്ടാക്റ്റ്‌ ലെന്‍സ്‌, ശ്രവണ സഹായി, എന്നിവയുടെ വില;
ആശുപത്രി താമസമാവശ്യമില്ലാത്ത ദന്ത ചികിത്സാ;
രോഗാനന്തര സുഖപ്രാപ്തികാലം, പൊതുവായ തളര്‍ച്ച, ജനിതക രോഗങ്ങള്‍/ ന്യുനതകള്‍, വന്ധ്യത;
ഗർഭാശയത്തിനുപുറത്തുളളതൊഴിച്ച്‌, മറെറല്ലാ ഗർഭസംബന്ധമായ ക്ലെയിമുകൾ;
ഡൊമിസിലിയറി, ഔട്ട്പേഷ്യന്റ്‌ ചികിത്സകൾ;
ശരീരത്തിനുപുറത്തു ഘടിപ്പിക്കുന്ന മെഡിക്കൽ യന്ത്രങ്ങളുടെ വില;
അപകടകരമായ സ്പോർട്ട്സുകളിലും, പ്രവർത്തനങ്ങളിലും ഏർപ്പെട്ടതുമൂലമുണ്ടാകുന്ന ക്ലെയിമുകൾ;
HIV/AIDS -കളിൽ നിന്നുളളതോ അവയുമായി ബന്ധപ്പെട്ടതോ ആയ ക്ളെയിമുകൾ;
യൂദ്ധം, ഭീകരപ്രവർത്തനം, അണ്വായുധാക്രമണം;
വ്യക്തിപരമായ സുഖസൗകര്യങ്ങൾ ഉൾപ്പടെ മെഡിക്കൽ ആവശ്യങ്ങൾക്കല്ലാത്ത എല്ലാ ചിലവുകളും;
അമിതവണ്ണം, ഹോർമ്മോൺ പുനസ്ഥാപനം, സെക്സ്‌ മാറ്റം എന്നിവയ്ക്കുള്ള ചികിത്സാച്ചിലവുകൾ;
ജനിതകമായ പ്രശ്നങ്ങൾ, സ്റ്റെം സെൽ സ്ഥാപനവും ശസ്ത്രക്രിയയും;
പ്രകൃതിചികിത്സാ, പരീക്ഷണ/ഇതരമാർഗ്ഗ മെഡിസിൻ, അക്യുപ്രഷർ, അക്യുപങ്ചർ, കാന്തികചികിത്സാ, ഇതേപോലെയുളള മറ്റുചികിത്സകൾ;

പോളിസിയുടെ മറ്റുസവിശേഷതകൾ:

ഏതുരാജ്യത്തിലെ പൗരനും ഈ പോളിസി എടുക്കാം; എന്നാൽ, പ്രാഥമികമായി ഇന്ത്യയിൽ താമസിക്കുന്ന വ്യകതി ആയിരിക്കണം, എന്തെന്നാൽ, ഈ പോളിസി ഇന്ത്യയിൽ നടത്തുന്ന ചികിത്സകൾക്ക് മാത്രം ബാധകമാണ്.3 മാസം മുതൽ 80 വർഷം വരെ വയസ്സുള്ള ആർക്കും ഈ പോളിസി ലഭ്യമാണ്.3മാസത്തിനും 5വയസ്സിനും ഇടയ് ക്ക് പ്രായമുളള കുട്ടികൾക്ക്‌ ഈ പോളിസി ലഭ്യമാകുന്നതിന് അവരുടെ മാതാപിതാക്കൾ ഇരുവരും ഈ പോളിസിയുടെ കവറേജിൽ ഒരേസമയത്തുണ്ടായിരിക്കണം.
45 വയസ്സ്‌ വരെ, വൈദ്യപരിശോധനയുടെ ആവശ്യമില്ല. ആ പ്രായത്തിനുശേഷം, പുതിയ പോളിസിക്കും, ബ്രേക്ക്‌ കവറേജ് പോളിസിക്കും പ്രീ-അക്സപ്റ്റൻസ്‌ (അംഗീകാരത്തിനുമുൻപുളള) വൈദ്യപരിശോധനയുടെ (ബ്ലഡ്‌ ഷുഗർ, യൂറിൻ, ഇസിജി) ആവശ്യമുണ്ട്‌. (തുടർച്ചയായ പുതുക്കലുകൾക്ക് ഇതാവശ്യമില്ല. 55 വയസ്സിൽ കൂടുതൽ പ്രായമുളളവർക്ക്‌, പുതിയ പോളിസിക്കും, ബ്രേക്ക്‌ കവറേജ് പോളിസിക്കും, LP, KFT എന്നീ ടെസ്ടുകള്‍ കുടി ചെയ്യണം.
സകുടുംബ പാക്കേജ് കവറും ലഭ്യമാണ്. ഇതില്‍ ജിവിത പങ്കാളിയും, ആശ്രയത്തിലുള്ള മക്കളും, മാതാപിതാക്കന്മാരും ഉള്‍പ്പെടുന്നു; പ്രീമിയത്തില്‍ ഇളവും കിട്ടുന്നു.ആശ്രയത്തിലുള്ള മക്കള്‍ അവിവാഹിതരും 23 വയസ്സില്‍ താഴെ പ്രായമുളളവരുമായിരിക്കണം.അങ്ങിനെയല്ലെങ്കില്‍, പ്രീമിയത്തില്‍ ഇളവില്ലാതെ അവര്‍ക്ക് പ്രത്യേകം പോളിസികള്‍ നല്‍കാവുന്നതാണ്‌.
ഹ്രസ്വകാല ആശുപത്രിവാസ ക്ലെയിമുകള്‍ക്ക്, കുറഞ്ഞത് 24മണിക്കൂര്‍ എങ്കിലും നിര്‍വ്വചിക്കപ്പെട്ടിട്ടുള്ള വൈദ്യ സ്ഥാപനങ്ങളില്‍ പ്രവേശിക്കപ്പെട്ടിരിക്കണം. പട്ടികയില്‍ കൊടുത്തിട്ടുള്ള 121 ഡേ-കെയര്‍ ശസ്ത്രക്രിയകളൂമായി ബന്ധപ്പെട്ട ചികിത്സകൾക്ക് ഇതിലും കുറഞ്ഞ കാലയളവിലെ ആശുപത്രിവാസവും പരിഗണിക്ക പ്പെടുന്നതാണ്‌.

ഇന്‍ഷ്വര്‍ ചെയ്യുന്ന തുകയും പ്രിമിയവും.

ഈ പോളിസിയില്‍ 50,000 മുതല്‍ 500,000 രൂപ വരെ പത്ത് വ്യത്യസ്ത തുകകള്‍ക്ക്‌ ഇന്‍ഷ്വര്‍ ചെയ്യാനുള്ള സൌകര്യമുണ്ട്.എന്നാല്‍, ഇന്‍ഷ്വര്‍ ചെയ്യപ്പെടുന്ന വ്യക്തി, 500,000-ന് മുകളില്‍ ( 2,000,000 വരെ) കവര്‍ ആഗ്രഹിക്കുന്നുവെങ്കില്‍, ഒന്നിലധികം പോളിസികളിലൂടെ ഇത് സാധിക്കാനാകുന്നു.
പോളിസി പുതുക്കുന്ന സമയത്ത്‌ ഇന്‍ഷ്വര്‍ ചെയ്യപ്പെട്ടിട്ടുള്ള അടിസ്ഥാന തുകയുടെ പരമാവധി 50% വരെ, ഓരോ ക്ലെയിം രഹിത വര്‍ഷത്തിനും 5% സഞ്ചിത ബോണസ് (അതായത്, ഇന്‍ഷ്വര്‍ ചെയ്യപ്പെട്ടിട്ടുള്ള തുകയുടെ സൗജന്യ വര്‍ദ്ധന) നല്‍കപ്പെടുന്നു.ഏതെങ്കിലും ക്ലെയിമിന്‍റെ സമയത്ത്, സഞ്ചിത ബോണസ്സ് മുഴുവനും പിന്‍വലിക്കുകയില്ലെങ്കിലും, നിബന്ധനപ്രകാരമുള്ള, ഇന്‍ഷ്വര്‍ ചെയ്യപ്പെട്ടിരിക്കുന്ന അടിസ്ഥാന തുക നിലനിര്ത്തിക്കൊണ്ട് അടുത്ത പുതുക്കല്‍ സമയത്ത് 10% കുറയ്ക്കപ്പെടുന്നു. സകുടുംബ പാക്കേജ് പോളിസിയില്‍, ഇന്‍ഷ്വര്‍ ചെയ്തിട്ടുളള ഓരോ വ്യക്തിയ്ക്കും സഞ്ചിത ബോണസ്സ്, പ്രത്യേകം കണക്കാക്കുന്നു. അതായത്, ക്ലെയിം ഇല്ലാത്ത എല്ലാ അംഗങ്ങള്‍ക്കും പുതുക്കല്‍ സമയത്ത് ഇന്‍ഷ്വര്‍ തുക 5% വര്‍ദ്ധന ലഭ്യമാകുന്നു.
ആയുര്‍വേദിക്ക്, ഹോമിയോപ്പതിക്ക് ആശുപത്രി താമസ ചികിത്സാ ചിലവുകള്‍ക്കുള്ള കവറേജ്, ഈ പോളിസിയില്‍ ലഭ്യമാണ്. എന്നാല്‍, ആശുപത്രിപ്രവേശനത്തിന് മുൻപും പിൻപുമുണ്ടാകുന്ന ചികിത്സാച്ചിലവുകളുൾപ്പടെയുളള ഇന്‍ഷ്വര്‍ തുക പരമാവധി, ഇൻഷ്വർ ചെയ്തിരിക്കുന്ന അടിസ്ഥാന തുകയുടെ 10% ആണ്.
തിരഞ്ഞെടുത്തിട്ടുളള ഇൻഷ്വർ തുകയും ഇൻഷ്വർ ചെയ്ത വ്യക്തിയുടെ പ്രായവും അനുസരിച്ചാണ് പ്രീമിയം കണക്കാക്കുന്നത്‌. പ്രീമിയം നിരക്ക്‌ അഖിലേന്ത്യാടിസ്ഥാനത്തിലാണെങ്കിലും ഗുജറാത്തില്‍ ഇതിനു വ്യത്യാസമുണ്ട്.
ഈ പോളിസിയില്‍, അടിസ്ഥാനപ്രീമിയത്തില്‍ 30% കുട്ടി, ഐച്ഛികമായ 'ക്രിട്ടിക്കല്‍ ഇല്‍നെസ് എക്സ്റ്റന്‍ഷന്‍ എടുക്കാവുന്നതാണ്‌. ഇത് പട്ടികയിലുള്ള 10 പ്രധാന രോഗങ്ങളെ ബന്ധപ്പെടുത്തി ഇന്‍ഷ്വര്‍ തുക ഇരട്ടിയാക്കുന്നു.
സകുടുംബ പാക്കേജ് പോളിസിയില്‍ രണ്ടുവ്യക്തികളെ കവര്‍ ചെയ്യുമ്പോള്‍ 5%-വും, രണ്ടിലധികം വ്യക്തികളെ കവര്‍ ചെയ്യുമ്പോള്‍ 10%-വും പ്രീമിയം ഇളവു ലഭിക്കുന്നു.
ഇന്‍ഷ്വര്‍ ചെയ്തിട്ടുളള വ്യക്തി, തന്‍റെ ഇരുചക്ര വാഹനത്തിന്‍റെ മോട്ടോര്‍ ഇന്‍ഷ്വറന്‍സ് IFFCO ടോക്കിയോ-യിലാണ് എടുത്തിട്ടുള്ളതെങ്കില്‍, അഥവാ, IFFCO ടോക്കിയോയുടെ ഗ്രൂപ്പ്‌ മെഡിക്കല്‍ പോളിസിയില്‍ ഒരേ സമയം അംഗത്വം ഉണ്ടെങ്കില്‍, ഈ പോളിസിയില്‍, ഒരു പ്രത്യേക പ്രീമിയം ഇളവുപദ്ധതി ലഭ്യമാണ്.

പ്രധാന പ്രയോജനങ്ങള്‍

IFFCO ടോക്കിയോ ഓഫീസുകളിലും , POS സെന്‍ററുകളിലും അല്ലെങ്കില്‍ ഓണ്‍ലൈനില്‍ വാങ്ങുമ്പോഴും ഡിജിറ്റല്‍ ഒപ്പോടുകുടിയ പോളിസി പ്രമാണരേഖ ഉടനെ തന്നെ നല്‍കുന്നു.
ഈ പോളിസിയില്‍ പ്രീമിയം നല്‍കുമ്പോള്‍,പ്രധാന നിര്‍ദ്ദേശകന്, ഐ. ടി. ആക്ടിലെ u/s 80D വഴി ഇന്‍കം ടാക്സ് ഇളവുകള്‍ ലഭിക്കുന്നു.
മുന്‍പേ ഉള്ള രോഗങ്ങള്‍ക്കുള്ള ഒഴിവാക്കല്‍ സമയപരിധി, മാര്‍ക്കറ്റില്‍ ഉള്ള ഭുരിഭാഗം പോളിസികളിലും പോലെ നാല് കൊല്ലമല്ല, ഈ പോളിസിയില്‍ മുന്ന് കൊല്ലമാണ്. കുടാതെ, ആദ്യകൊല്ലം, ഒഴിവാക്കിയിരിക്കുന്ന രോഗങ്ങള്‍ വളരെ ചുരുക്കമാണ്. മറ്റു പല പോളിസികളും പോലെ, ഇതില്‍ രണ്ടും നാലും വര്‍ഷങ്ങള്‍ ഒഴിവാക്കിയിട്ടുള്ള രോഗങ്ങള്‍ ഇല്ല.
നിര്‍ദ്ദിഷ്‌ടമായ ചില തീരാവ്യാധികളൊഴിച്ച് ബാക്കി എല്ലാ ക്ലെയിമുകള്‍ക്കും, ക്ലെയിം തുക നല്കിയതിനുശേഷം ഇന്‍ഷ്വര്‍ തുക സ്വയമേവ പുനസ്ഥാപിക്കുവാനുള്ള പ്രത്യേക വ്യവസ്ഥ ഈ പോളിസിയില്‍ ഉണ്ട് ഹ്രസ്വകാലാടിസ്ഥാനത്തിൽ പുനസ്ഥാപന പ്രീമിയം കണക്കാക്കുന്നത് ആശുപത്രി പ്രവേശനം മുതല്‍ പോളിസി അവസാനിക്കുന്ന ദിവസം വരെയാണ്. ക്ലെയിം തുകയില്‍ നിന്നാണ് ഇതുകിഴിക്കുന്നത്. ഇതുമൂലം, ഇന്‍ഷ്വര്‍ ചെയ്തിട്ടുളള വ്യക്തിയ്ക്ക്, പിന്നിടുള്ള ക്ലെയിമുകള്‍ക്കും മൊത്തം ഇന്‍ഷ്വര്‍ തുകയുടെ പ്രയോജനം ലഭ്യമാകുമെന്ന്‍ ഉറപ്പാകുന്നു. മാര്‍ക്കറ്റിലുള്ള മറ്റു പോളിസികളില്‍ ഇന്‍ഷ്വര്‍ തുകയില്‍ നിന്നും ഓരോ ക്ലെയിം തുക കുറയുന്തോറും ശേഷിച്ച പോളിസികാലത്തെ ക്ലെയിം തുകയും കുറയുന്നു. ഇത് ഈ പോളിസിയില്‍ സംഭവിക്കുന്നില്ല. ഈ സൗകര്യം IMI പോളിസികളില്‍ രൂ.150,000-ന് മുകളിലുള്ളവയില്‍ ലഭ്യമാണ്.
മാര്‍ക്കറ്റിലുള്ള മറ്റു പോളിസികളിലെ പോലെ, ഈ പോളിസിയില്‍ 'കോ-പേ രിതി ഇല്ല. അതിനാല്‍ ക്ലെയിം തുക പൂര്‍ണ്ണമായും യാതൊരു കിഴിവുമില്ലാതെയും ലഭ്യമാകുന്നു.
പുറത്തുനിന്നും ഉള്ള ഒരു TPA - യേയും ക്ലെയിമിനായി ആശ്രയിക്കുന്നില്ല. ഇതുമായി ബന്ധപ്പെട്ട എല്ലാ സര്‍വ്വിസിംഗും നടപടിക്രമങ്ങളും ചെയ്യുന്നത് കമ്പനിയിൽ തന്നെയുളള വിദഗ്ധരുടെ ഒരു ടീമാണ്. ഈ ടീമിൽ ഡോക്ടർമാരും മററു പാരാമെഡിക്കൽ വിദഗ്ധരുമുണ്ട്.
.രാജ്യത്തിൻറെ നാനാ ഭാഗങ്ങളിലുമായി ആശുപത്രികളുടെ ഒരു വൻ ശൃംഖല (3000-ത്തിലധികം) ഉണ്ട്. ഇവിടെയെല്ലാം കാഷ്-രഹിത ക്ലെയിമുകൾ കൈകാര്യം ചെയ്യാനുളള സൗകര്യം ഉണ്ട്. കൂടാതെ, ക്ലെയിം സെറ്റിൽമെൻറ് നടപടികളെ സഹായിക്കുന്നതിനായി 24x7 കാൾ സെൻറർ സേവനവും നിലവിലുണ്ട്
മറ്റ് ഇൻഷ്വറൻസ് സ്ഥാപനങ്ങളിലെ പോളിസികളുടെ കവറിൽ നിന്ന് IFFCO ടോക്കിയോയുടെ പോളിസി കവറിലേക്ക് മാറാൻ പോർട്ടബിലിറ്റി സൗകര്യം ഉണ്ട്. അതുവഴി, ഇൻഷ്വർചെയ്ത വ്യക്തി നേടിയിട്ടുളള ക്രെഡിറ്റ്, IFFCO ടോക്കിയോയുടെ പോളിസിയിലൂടെ പുതുക്കുന്ന സമയത്ത് സഞ്ചിത ബോണസ്സും സമയബന്ധിതമായ ഒഴിവാക്കല്‍ വ്യവസ്ഥകളും പ്രാബല്യത്തില്‍വരുന്നു.
ഈ പോളിസിയില്‍ ചെറിയ ഒരു അധിക പ്രിമിയം കൊടുത്തു കൂട്ടിചേര്‍ക്കാവുന്ന ഒരു സവിശേഷ ആഡ് ഓണ്‍ കവര്‍ ആണ് ക്രിട്ടിക്കല്‍ ഇല്‍നെസ് എക്സ്റ്റന്‍ഷന്‍.
ഈ പോളിസിയില്‍ ഇന്‍ഷ്വര്‍ ചെയ്തിട്ടുള്ളവര്‍ക്ക്‌ സ്വദേശത്ത് യാത്ര നടത്തുമ്പോള്‍ മറ്റൊരു സവിശേഷ ആഡ് ഓണ്‍ കവര്‍ അധിക പ്രിമിയം കൊടുക്കാതെ ഈ പോളിസിയുടെ ഭാഗമായ ക്രിട്ടിക്കല്‍ ഇല്‍നെസ് എക്സ്റ്റന്‍ഷനിലൂടെ ലബ്ദമാണ്. ഇതുവഴി, യാത്രികര്‍ക്ക് അടിയന്തിര വൈദ്യ, വ്യക്തിപര സഹായങ്ങള്‍ ലഭിക്കുന്നു.

Search form

വ്യക്തിഗത മെഡിഷീൽഡ്‌ പോളിസി